كيف تحصل على تمويل لشركتك؟ مع ايمن طه مؤسس Otmost

أي بيزنس في البداية بيكون كل هدفة هو الحصول على مستثمر يساعدة في منافسة الشركات ال Top في السوق , خصوصاً لو داخل سوق في عمالقة في المجال دة , ضيف حلقة اليوم كان بيمتاز بالذكاء عشان كدة مكنش بياخد اي قرار غير لما يكون دارس الأبعاد كويس جداً , ضيف حلقة اليوم هو رائد الأعمال أيمن طة اللي بدأ مشواره في مجال رياده الأعمال و إعداد الشركات للإستثمارو هو لسة طالب في الكلية , أيمن موصلش في غمضة عين و أكيد مر بمحطات فشل و يأس و لكن كان عندة ثقة و إيمان في نفسة إنة هيقدر يوصل للي بيحلم بية  اللقاء كان ملئ بقصص مفيدة وملهمة جداً بدايةً من تركه لعمله في تخصصه مجال الهندسه الزراعيه عشان يبدأ  رحلة جديدة مع مجال الـ Digital marketing وقدر يبني شركات مختلفة خاصه بيه و من ثم الإستشارات في مجال الأستثمارات وأخيراً المحطة الأهم وهي تأسيس شركة   OTMOST أيمن قدر إنة يتفوق في شئ معظم الناس بتقع فية و هو الموازنة بين الدراسة و العمل أثناء الكلية , و مش بس كدة أيمن بيعترف إنة كان عندة مشكلة و هي " مش بيعرف يقول على نفسة شاطر و لا يقول للناس أنا موجود ) و كان يعمل في صمت رغم إنة أشطر من ناس كثيرة , و لما أدرك إن العيب دة ممكن يكون الحائط اللي بيمنعة عن الوصول لأهدافة قرر إنة يتغلب علية و من هنا كانت نقطة التحول .