نماذج تسويقية لتوسع الشركات وتزويد المبيعات - مع خبير التسويق دكتور ايهاب مسلم

رائد الأعمال الناجح و المغامر بيحب دايماً إنة يدخل و يستثمر في مجالات مختلفة , ضيف حلقتنا بجانب إنة كان طبيب جراح , بدأ في إستيراد حاجات مختلفة ملهاش اي علاقة ببعض زي إستيراد الأبواب , الحلويات , الأغذية ,كل نجاح كان بيشجعة يخوض مغامرة جديدة لدرجة إنة فتح شركة للتدريب سنة 2000 للتدريب على الكومبيوتر و منح شهادات معتمدة من مايكروسوفت و الشركة أصبحت مركز معتمد للإمتحانات بالاضافة الي التعاون مع وزارة الأتصالات

 ضيف حلقتنا هو الاستشاري في التسويق و الإدارة د. إيهاب مُسَلَم اللي هنعرف منة أكتر إزاي الشباب تتميز في التسويق و ما هو التسويق , بالاضافة اللي التفاصيل الصغيرة في الإدارة اللي ممكن تنقل البيزنس لفوق أو تنزل البيزنس الأرض بالإضافة الي إنة هيحكلنا أكتر عن المشاكل و الصعوبات اللي واجهها وإزاي تغلب عليها .

 البياع الشاطر لازم يكون ممثل و يغير شخصيتة على حسب الشخص اللي قدامة لأن كل عميل و لازم تتعامل معاه بشكل يفهمة و يتقبلة , يعني مثلاً الطريقة اللي بتكلم بيها صاحب شركة هتبيعلة مش نفس الطريقة اللي هتكلم بيها موظف بتحاول تبيع لة منتجك ناس كتيرة بتكون فاكرة إن دة غلط و ان السيلز مان شخص مخادع و دة غلط , لأن دية صفة من صفات الراجل البياع انة يعرف يبيع بطرق مختلفة لأشخاص مختلفة